"Një nga mbytjet më vdekjeprurëse": Të paktën 139 të vdekur dhe 84 të zhdukur pasi një varkë u përmbys pranë brigjeve të Xhibutit
Një varkë është përmbysur pranë brigjeve të Xhibutit, duke lënë të paktën 139 migrantë të vdekur dhe 84 të zhdukur, ka raportuar një agjenci e Kombeve të Bashkuara.Dhe sipas mediave të huaja, përcjell Telegrafi, të paktën pesëmbëdhjetë fëmijë janë në mesin e të vdekurve, sipas Organizatës Ndërkombëtare për Migracionin (IOM).Siç bëhet e ditur më tej, varka po transportonte 305 persona gjatë udhëtimit nga Xhibuti drejt Jemenit kur u përmbys pranë Guhere-s, në veri të Obock-ut, natën e 8 tetorit, u thanë të mbijetuarit IOM-it.Agjencia e përshkroi atë si "një nga mbytjet më vdekjeprurëse të anijeve të regjistruara" në këtë itinerar.Aty thuhet se kishte më shumë se 80 të mbijetuar, të gjithë shtetas etiopianë. Numri i të vdekurve u rrit nga 109 që ishte raportuar më herët, pasi u gjetën trupa të tjerë dhe operacionet e kërkim-shpëtimit po vazhdojnë. "Kjo është një humbje shkatërruese jetësh. Mendimet tona janë me të mbijetuarit dhe familjet që kanë humbur njerëzit e tyre të dashur ose që mbeten pa asnjë lajm për të afërmit e tyre", ka thënë Alexandre Coissac, shefi i misionit të IOM-it në Xhibuti."Ekipet tona janë në terren së bashku me autoritetet vendase për të ofruar ndihmë urgjente. Kjo tragjedi është një kujtesë e ashpër e rreziqeve me të cilat përballen migrantët përgjatë këtij korridori migracioni ndërsa kërkojnë mundësi ekonomike".IOM thotë se po u ofron ndihmë të mbijetuarve në Qendrën e saj të Reagimit për Migrantët në Obock, ndërsa autoritetet e Xhibutit vazhdojnë operacionet e kërkim-shpëtimit.Mijëra migrantë nga Briri i Afrikës udhëtojnë përmes Xhibutit dhe kalojnë ngushticën Bab el-Mandeb për në Jemen në kërkim të sigurisë dhe punësimit, shtoi IOM.Agjencia tha se dhuna në Jemen nuk i ka penguar migrantët, të cilët mund të përballen me dhunë, arrestime dhe ndalime arbitrare, shfrytëzim dhe trafikim në atë vend.Më shumë se 900 migrantë vdiqën ose u zhdukën përgjatë këtij itinerari në vitin 2025, sipas projektit të IOM-it "Migrantët e Zhdukur" (Missing Migrant
