Legjenda e Real Madridit shokon të gjithë – merr drejtimin e klubit nga kategoria e katërt në Brazil
Ish-mbrojtësi i Real Madridit, Michel Salgado, ka treguar arsyen që e bindi të pranonte një sfidë të papritur në Brazil, ku do të marrë drejtimin e North EC për sezonin 2027.Ish-fituesi i dyfishtë i Ligës së Kampionëve është prezantuar zyrtarisht si trajneri i ri i klubit brazilian, pas insistimit të drejtuesve të klubit dhe bindjes së tij nga ambiciet afatgjata dhe infrastruktura stërvitore.Salgado, 50-vjeçar, do ta drejtojë skuadrën nga Montes Claros në elitën e kampionatit shtetëror Mineiro, përpara se ta udhëheqë atë në debutimin historik në nivelin e katërt të futbollit brazilian, Serie D.Duke folur për ESPN Brazil rreth vendimit për të pranuar këtë sfidë, Salgado tha se insistimi i presidentit të klubit ishte vendimtar. “Presidenti punoi shumë që nga fillimi për të më bindur. Ai më ftoi t’i shihja objektet në Montes Claros”, deklaroi Salgado.Ai foli edhe për potencialin e skuadrës së tij të re, duke theksuar dëshirën e madhe të lojtarëve për të arritur sukses.“Është një ekip i ri me një dëshirë të madhe për të arritur gjëra. Mendova shumë për këtë, por dua ta përjetoj një garë kaq të madhe si Kampionati Mineiro, në një vend dhe kontinent ku futbolli është mënyrë jetese”, u shpreh ai.Salgado shtoi se klubi ka rënë dakord fillimisht për pjesëmarrjen në divizionin e parë të Kampionatit Mineiro, me synimin për ta përjetuar këtë eksperiencë me përulësi dhe dëshirë për të punuar./Telegrafi/
