Aktgjykimi i Speciales ndaj ish-krerëve të UÇK-së, reagon sërish avokati i ish-presidentit Thaçi

Avokati i ish-presidentit Hashim Thaçi, Luka Mishetiq, ka reaguar sërish, duke ngritur alarmin se trupi gjykues, me verdiktin e tij, ka ardhur në përfundime “të rrezikshme”.Mishetiq në një postim në X, saktësisht në një replikë ndaj analistit për Ballkanin në Grupin Ndërkombëtar të Krizave, Marko Prelecit ka ngritur alarmin se trupi gjykues, me verdiktin e tij, ka ardhur në përfundime “të rrezikshme”, duke vlerësuar se për të arritur pavarësinë e Kosovës sipas Gjykatës Speciale, UÇK-ja ka përdorur mjete kriminale. Avokati Mishetiq kritikon Marta Kosin: Nuk të takon ta paragjykosh çështjen ndaj Thaçit “Trupi Gjykues ka vlerësuar se një pjesë e qëllimit kriminal të anëtarëve të Ndërmarrjes së Përbashkët Kriminale (JCE) dhe ‘të tjerëve në udhëheqjen e UÇK-së’ ishte arritja e pavarësisë së Kosovës përmes krimeve të luftës. Madje, edhe Prokuroria nuk kishte shkuar deri në këtë pikë.Prandaj, Prelec ka pjesërisht të drejtë se gjykata nuk e shpalli të paligjshme të drejtën e Kosovës për pavarësi (pasi nuk kishte juridiksion për ta bërë këtë), por ajo deklaroi se mjetet e përdorura për arritjen e pavarësisë së Kosovës ishin, në një masë të konsiderueshme, kriminale”, shkruan Mishetiq /Telegrafi/ The Trial Panel has ruled that part of the criminal purpose of the JCE Members and "others in the KLA leadership" was to achieve Kosovo’s independence through war crimes. Even the Prosecution did not go this far. So @mprelec is partly right that the court did not declare Kosovo's… https://t.co/8LlVnmcNrK — Luka Misetic (@MiseticLaw) September 19, 2026