Ylli i Barcelonës ‘shpërthen’ ndaj Atletico Madridit pasi nuk lejuan largimin e Julian Alvarez

Saga e transferimeve gjatë verës e bëri Julian Alvarez një prej emrave më të përfolur, me Barcelonën që insistoi për transferimin e sulmuesit argjentinas. Megjithatë, Atletico Madridi qëndroi i palëkundur dhe nuk ishte i gatshëm ta shiste te një rival direkt.Barcelona raportohet se bëri një ofertë prej rreth 100 milionë eurosh për Alvarez, por Atletico e refuzoi, duke bërë që sulmuesi të qëndronte në klub.Katalunasit nuk e fshehën interesimin për transferimin e Alvarez, ndërsa vetë sulmuesi foli publikisht për dëshirën e tij për t’u larguar nga Atletico gjatë Kupës së Botës.Situata bëri që saga e transferimit të vazhdonte gjatë gjithë verës, por pavarësisht përpjekjeve të Barcelonës dhe dëshirës së raportuar të Alvarez për t’u larguar, Atletico qëndroi në qëndrimin e saj dhe reprezentuesi i Argjentinës mbeti në Madrid. Disa lojtarë të Barcelonës folën gjithashtu hapur për mundësinë e transferimit të Alvarez, veçanërisht pas largimit të Robert Leëandoëskit nga klubi.Edhe Raphinha foli për situatën e Alvarez, duke sugjeruar se Atletico duhej t’i merrte parasysh dëshirat e sulmuesit pasi ai kishte bërë të qartë se dëshironte largimin. Barcelona ia cakton çmimin yllit të skuadrës pas interesimit nga Liverpooli Sulmuesi i Barcelonës tha se e kupton se sa e vështirë është për një lojtar të performojë kur nuk është i kënaqur me situatën e tij, duke iu referuar edhe përvojës së tij teksa shpjegoi pse mendon se situata e Alvarez mund të ishte trajtuar ndryshe.“Nuk e kuptoj se çfarë bëri Atletico, sepse kur një lojtar nuk ndihet mirë diku, dhe po flas nga përvoja ime, është e vështirë që gjërat të shkojnë mirë. Ai e bëri të qartë dëshirën e tij për t’u larguar”, tha braziliani./Telegrafi/