​Peci s’mori pjesë në seancën për Deklaratën “Jo në emrin tim”, zëdhënësi: Ka pasur angazhime të tjera

Peci s’mori pjesë në seancën për Deklaratën “Jo në emrin tim”, zëdhënësi: Ka pasur angazhime të tjeraKryetari i Komunës së Mitrovicës së Jugut, Faton Peci, nuk mori pjesë në seancën e sotme të Kuvendit Komunal, ku u miratua deklarata lidhur me aktgjykimin e shkallës së parë të Gjykatës Speciale ndaj ish-krerëve të Ushtrisë Çlirimtare të Kosovës.Kryetari i Kuvendit Komunal, Safet Kamberi, tha për KosovaPress, se materiali për seancën i është dërguar ekzekutivit të komunës, përfshirë kryetarin dhe drejtorët, ndërsa tha se nuk e di arsyen e mungesës së Pecit.“Kur thirret seanca, materiali është i obliguar të shkojë te kryetari dhe te ekzekutivi, te drejtorët. E çështja e mungesës së tij, po besoj që nuk është çështja e imja. Nuk e di pse ka munguar. Vetëm një e di që materiali, siç i shkon secilit, i ka shkuar edhe atyre sepse prezent ishte nënkryetari”, tha Kamberi.Zëdhënësi i Komunës së Mitrovicës së Jugut, Shkëlzen Halili, tha për KosovaPress se nuk e di saktësisht arsyen e mungesës së kryetarit, por tha se Peci ka pasur angazhime të tjera.“Po, s’e di arsyen pse s’ka marrë pjesë kryetari, ka qenë nënkryetari, kryetari nuk ka qenë. Prej mesit të ditës, me thënë ashtu, është nga pauza, ka pasur angazhime të tjera, po saktësisht nuk e di çfarë angazhimesh. Zakonisht kur ka angazhime të shumta, nuk mundet me marrë pjesë”, tha Halili.Në seancën e sotme Kuvendi Komunal i Mitrovicës së Jugut, me 28 vota për, miratoi Deklaratën “Jo në emrin tim” lidhur me aktgjykimin e shkallës së parë të Gjykatës Speciale ndaj ish-krerëve të UÇK-së.Në deklaratë shprehet mospajtimi me aktgjykimin e shpallur më 16 shtator 2026 nga trupi gjykues i Dhomave të Specializuara të Kosovës.Më tej theksohet se për një dënim penal të kësaj peshe, përgjegjësia personale e secilit të akuzuar duhet të provohet me prova të qarta, konkrete dhe bindëse, përtej çdo dyshimi të arsyeshëm.Në deklaratë thuhet gjithashtu se përgjegjësia penale individuale nuk duhet të ndërtohet mbi supozime, përgjithësime, dëshmi