Protestat kundër politikave buxhetore të qeverisë franceze janë përshkallëzuar, me nxënës të shkollave të mesme që kanë bllokuar dhjetëra institucione arsimore dhe punonjës të sektorit publik që kanë hyrë në grevë.Lëvizja e protestës vjen dy ditë para prezantimit të projektbuxhetit për vitin 2027 dhe rreth shtatë muaj para zgjedhjeve presidenciale. Qeveria synon të zbatojë masa të reja kursimi për të reduktuar deficitin buxhetor.Në ditët e fundit, protestat e nxënësve janë intensifikuar. Ata kundërshtojnë kushtet në shkolla, veçanërisht mbipopullimin e klasave dhe mungesën e mësuesve. Ministria franceze e Arsimit ka njoftuar se mbi 330 shkolla të mesme janë prekur nga protestat. Situata është tensionuar në disa qytete. Në Lille, pranë një shkolle u dogjën kontejnerë mbeturinash, ndërsa rreth 40 persona u arrestuan. Kryeministri Sébastien Lecornu i ka cilësuar protestat e nxënësve si të papërgjegjshme, por ka pranuar se shqetësimet e tyre duhet të dëgjohen.Përveç arsimit, një tjetër pikë e fortë e pakënaqësisë është politika ndaj punonjësve të sektorit publik. Qeveria planifikon ngrirjen e pagave bazë në vitin 2027, masë nga e cila synon të kursejë rreth 2 miliardë euro.Sindikatat e kundërshtojnë këtë plan, duke argumentuar se ngrirja e pagave do të përsëritej për të katërtin vit radhazi dhe do të ishte e teta gjatë presidencës së Emmanuel Macronit. Sipas tyre, masat e tilla kanë ndikuar në uljen e fuqisë blerëse të punonjësve.Në total, qeveria franceze synon të kursejë 54 miliardë euro përmes buxhetit të vitit 2027. Masat e kursimit po ndërmerren ndërsa ekonomia franceze pritet të ketë një rritje më të ngadaltë sesa parashikimet e mëparshme. /Telegrafi/
TelegrafiIzvori: 5
Izvorni izdavačKomentari: 0 
