Propozim unik mes peshkaqenëve, ajo përgjigjet "po"
Një britanik i propozoi për martesë të dashurës së tij në një mënyrë të pazakontë: nën ujë, mes peshkaqenëve.James Walsh i bëri pyetjen e madhe Paige Cook në akuariumin e Skegness, në Lincolnshire, ndërsa të dy po merrnin pjesë në një eksperiencë zhytjeje me peshkaqenë. Meqë peshkaqenët janë kafshët e preferuara të Paige, Walsh e kishte planifikuar surprizën prej kohësh dhe kishte bashkëpunuar me stafin e akuariumit. Ata e ndanë çiftin nga pjesa tjetër e grupit dhe i dhanë Walsh një tabelë ku shkruhej: “A do të martohesh me mua?”E emocionuar dhe e befasuar, Paige i dha atij shenjën “OK”, duke thënë kështu “po”, ndërsa më pas të dy u përqafuan nën ujë.“Gjithmonë kam dashur të zhytem dhe të notoj me peshkaqenë. Pastaj ndodhi propozimi dhe harrova plotësisht se isha në një akuarium!”, tha Paige, duke e cilësuar atë si ditën më të mirë të jetës së saj. /Telegrafi/