Zelensky përshëndet fitoren e Kulbergs në Letoni: Një fitore për mbështetjen ndaj Ukrainës
Presidenti ukrainas Volodymyr Zelensky ka përshëndetur fitoren e kryeministrit letonez Andris Kulbergs në zgjedhjet parlamentare, duke e cilësuar rezultatin si dëshmi të besimit të qytetarëve te drejtimi i tij dhe te mbështetja e vendit për Ukrainën.Partia e qendrës së djathtë “United List”, e drejtuar nga Kulbergs, fitoi rreth 35.3% të votave dhe siguroi 42 nga 100 ulëset në parlamentin letonez. Rezultati përbën fitoren më të madhe të një force të vetme politike në historinë e Letonisë pas rikthimit të pavarësisë, transmeton Telegrafi.Kulbergs, 47 vjeç, pritet të nisë negociatat për formimin e një koalicioni të ri qeverisës, ndërsa rezultati i tij e vendos në pozitë të favorshme për të vazhduar kursin pro-evropian dhe pro-ukrainas të vendit. Për formimin e shumicës parlamentare do t'i nevojiten partnerë të tjerë.Në një mesazh të publikuar pas rezultateve, Zelensky e uroi Kulbergsin për atë që e quajti “fitore bindëse” në zgjedhjet parlamentare.“Ky rezultat i fortë pasqyron besimin e popullit letonez në udhëheqjen dhe vizionin tuaj për vendin. Ukraina e vlerëson thellësisht miqësinë dhe mbështetjen e palëkundur të Letonisë”, tha presidenti ukrainas.Zelensky shtoi se pret forcimin e mëtejshëm të partneritetit strategjik mes dy vendeve, ndërsa i uroi Kulbergsit sukses në drejtimin e vendit.Letonia, anëtare e Bashkimit Evropian dhe NATO-s dhe shtet që kufizohet me Rusinë, e ka vendosur sigurinë kombëtare dhe mbështetjen për Ukrainën në qendër të politikës së saj të jashtme.Gjatë fushatës, Kulbergs u zotua se do të vazhdojë mbështetjen për Ukrainën dhe do të ruajë një qëndrim të ashpër ndaj Moskës, ndërsa mbrojtja kombëtare ishte një nga temat kryesore të zgjedhjeve.Megjithatë, rezultati tregoi edhe rritjen e disa forcave populiste, veçanërisht atyre që morën mbështetje nga pjesë të komunitetit rusishtfolës. Pavarësisht kësaj, shumica e forcave që pritet të marrin pjesë në formimin e qeverisë së re mbeten të orientuara drejt BE-së, NATO-s dhe mbështetjes për Ukrainën.Me
