Mariah Carey ka shkaktuar të qeshura në rrjetet sociale pasi pozoi para pikturës së famshme “Darka e Fundit” të Leonardo da Vinçit, gjatë një vizite në kishën Santa Maria delle Grazie në Milano të Italisë. Këngëtarja 57-vjeçare publikoi të premten një fotografi në Instagram, ku shfaqet duke parë drejtpërdrejt kamerën me një shprehje serioze, ndërsa kryevepra e Da Vinçit duket në sfond. Ajo e shoqëroi postimin vetëm me emrin e pikturës dhe disa emoji.Fotografia u bë menjëherë objekt shakash mes ndjekësve të saj, të cilët e cilësuan si memen e madhe të radhës, shkruan DailyMail. Disa komentuan se fotografia përbënte dy kryevepra në një imazh, ndërsa të tjerë e përshkruan si një nga gjërat më qesharake që kishin parë prej kohësh.Kjo nuk është hera e parë që Mariah tërheq vëmendjen me situata të zakonshme. Në fillim të vitit, ajo u bë virale me një video nga një dyqan ushqimor, ku shfaqej duke bërë pazar dhe duke pyetur nëse duhej të paguante për produktet që kishte marrë.Këngëtarja është komentuar gjithashtu për preferencat e saj lidhur me ndriçimin. Gjatë një paraqitjeje në podcastin “Las Culturistas”, ajo kritikoi ndriçimin nga lart, duke thënë se nuk e duronte dot dhe duke bërë shaka se kjo ishte një çështje personale për të. /Telegrafi/
TelegrafiIzvori: 2
Izvorni izdavačKomentari: 0 
