Lionel Richie do të rikthehet në American Idol pavarësisht problemeve të fundit me zemrën
Lionel Richie do të rikthehet në panelin e gjyqtarëve të American Idol për sezonin e 25-të, pavarësisht shtrimeve të fundit në spital për probleme me zemrën. Lajmi u konfirmua gjatë koncertit të Luke Bryan në Nashville, ku Richie u shfaq përmes një videoje në ekranin e madh.Gjatë momentit të veçantë, Carrie Underwood dhe Luke Bryan njoftuan se të tre do të vazhdojnë bashkë në sezonin e ardhshëm të spektaklit, shkruan DailyMail. Edhe Ryan Seacrest do të rikthehet si prezantues, duke bërë që i gjithë ekipi kryesor i sezonit të kaluar të vazhdojë në sezonin e 25-të.Njoftimi vjen vetëm pak ditë pasi Richie, 77 vjeç, iu nënshtrua një procedure për fibrilacion atrial, një çrregullim të ritmit të zemrës. Përfaqësuesi i tij ka bërë të ditur se procedura shkoi mirë dhe se këngëtari po rikuperohet, ndërsa për momentin ka marrë një pushim nga aktivitetet e tij muzikore.Problemet shëndetësore kanë ndikuar edhe në turneun e tij me Earth, Wind & Fire, duke çuar në anulimin e disa koncerteve. Richie ishte shtruar gjithashtu në spital gjatë verës pas shqetësimeve që përjetoi gjatë një koncerti, ndërsa ky ishte shtrimi i tij i tretë në muajt e fundit.Richie është pjesë e American Idol që nga viti 2018, ndërsa Carrie Underwood iu bashkua panelit në vitin 2025. Sezoni i 25-të pritet të rikthehet në vitin 2027, me audicionet tashmë në zhvillim. /Telegrafi/
