PSG konfirmon lajmin e hidhur, ylli i skuadrës mungon si pasojë e lëndimit ndaj Barcelonës
Paris Saint-Germain ka marrë një lajm të keq para përballjes me Barcelonën në Ligën e Kampionëve, pasi Nuno Mendes do të mungojë për disa javë për shkak të një lëndimi në kofshë.Mbrojtësi portugez u lëndua gjatë fitores 3-1 të PSG-së ndaj Strasbourgut të shtunën, duke u detyruar të largohej nga fusha në minutën e 86-të, pasi ndjeu dhimbje në kofshë.Klubi francez e konfirmoi mungesën e tij përmes një komunikate zyrtare mjekësore të dielën.“Pasi pësoi një lëndim në kofshën e majtë gjatë ndeshjes së mbrëmshme kundër RC Strasbourg Alsace, Nuno Mendes do të jetë jashtë fushave për disa javët e ardhshme”, thuhet në njoftimin e PSG-së.Point médical concernant Nuno Mendes @Aspetar 👉 https://t.co/MH8Bb8nike https://t.co/Rr2g4QjGmk — Paris Saint-Germain (@PSG_inside) October 18, 2026Kjo është një goditje e rëndësishme për trajnerin Luis Enrique, i cili nuk do të mund të llogarisë në njërin prej mbrojtësve të tij kryesorë për ndeshjen e shumëpritur ndaj Barcelonës.Mendes pritej të ishte pjesë e formacionit për këtë përballje, ku do të kishte edhe një duel interesant me yllin e katalunasve, Lamine Yamal.Pas ndeshjes me Strasbourgun, Luis Enrique shpjegoi se kishte preferuar të mos rrezikonte me mbrojtësin portugez, pasi ky i fundit kishte ndier shqetësime fizike në minutat e fundit.Në mungesë të tij, Lucas Digne pritet të jetë një nga alternativat për krahun e majtë të mbrojtjes. Megjithatë, francezi nuk ka bindur plotësisht që nga ardhja në Paris dhe u kritikua për paraqitjen ndaj Strasbourgut./Telegrafi/