Harry Styles ka rrëfyer se një nga ish-partneret e tij e ndihmoi të kapërcente frikën për të dalë në publik, në një periudhë kur fama e bënte të ndihej më i sigurt brenda hotelit apo shtëpisë sesa në rrugë. Në një intervistë për revistën Rolling Stone, këngëtari tregoi se si kjo përvojë ia ndryshoi mënyrën e të jetuarit.32-vjeçari kujtoi se, në fillimet e karrierës me One Direction, kalonte shumë kohë i mbyllur në hotele dhe shpesh mendonte se nuk ishte e sigurt të dilte jashtë, shkruan DailyMail. Gjithçka ndryshoi kur një e dashur, të cilën e përshkroi si shumë të shoqërueshme, erdhi për ta vizituar në Londër.Styles nuk dëshironte të qëndronte tri ditë rresht në shtëpi, ndaj filluan të shëtisnin kudo. Kjo e ndihmoi të kuptonte se mund të dilte dhe të shijonte jetën jashtë, pa u ndier vazhdimisht i kërcënuar nga fama. Ai tha se kjo përvojë e ndryshoi në mënyrë të rëndësishme dhe e ndihmoi të ruante lidhjen me botën përreth. Këngëtari nuk e përmendi me emër ish-partneren, por mediat kanë spekuluar se mund t’i jetë referuar Taylor Swift, me të cilën ishte në lidhje në vitin 2012. Ndërkohë, Styles është i fejuar me aktoren Zoë Kravitz, me të cilën u pa për herë të parë publikisht duke u mbajtur për dore në gusht të vitit 2025.Në një tjetër intervistë, Styles ka folur edhe për periudhën kur u tërhoq për tre vjet nga muzika, pas përfundimit të turneut Love On Tour në vitin 2023, që përfshiu 169 koncerte. Ai tha se kjo pauzë e ndihmoi të reflektonte për jetën që dëshiron dhe për rëndësinë e marrëdhënieve personale, duke pranuar se dëshiron të krijojë familje dhe të ndërtojë lidhje të qëndrueshme me njerëzit e afërt. /Telegrafi/
TelegrafiIzvori: 3
Izvorni izdavačKomentari: 0 
