"Good Morning" e Donna Dafit bën jehonë nga ShBA-ja, Britania e deri në Gjermani e Japoni
Këngëtarja Donna Dafi, po shndërrohet në një nga emrat më premtues të muzikës pop ndërkombëtare. Pas publikimit të këngës “Good Morning”, artistja ka tërhequr vëmendjen e disa mediave të huaja, të cilat kanë vlerësuar fuqinë e mesazhit, identitetin e saj shumëkulturor dhe universin e veçantë vizual që po ndërton.Jehonën më të fuqishme ia ka dhënë revista prestigjioze britanike TMRW Magazine, e cila i ka kushtuar artistes një profil të gjerë me titullin domethënës “Donna Dafi: Becoming Her Own Goddess” – “Donna Dafi: Duke u bërë perëndesha e vetvetes”.TMRW Magazine nuk e paraqet Donnën thjesht si një këngëtare që ka publikuar një projekt të ri. Revista e portretizon atë si një artiste moderne që po krijon gjuhën, estetikën dhe botën e saj artistike. Sipas shkrimit, vetëbesimi për Donna Dafin nuk nënkupton t’i kesh të gjitha përgjigjet, por të mësosh t’i pranosh kontradiktat: të jesh njëkohësisht femërore dhe e fuqishme, e ndjeshme dhe e sigurt në vete, ambicioze dhe lozonjare. - YouTube youtu.be Në qendër të profilit qëndron “Epoka Primadonna”, kapitulli i ri krijues përmes të cilit Donna po ndërton shumë më tepër sesa një koleksion këngësh pop. Muzika, moda, lëvizja dhe rrëfimi vizual bashkohen në një univers të vetëm, ku sensualiteti, cenueshmëria dhe fuqia femërore shfaqen pa kërkuar leje dhe pa pranuar kufizime.Edhe mediumi amerikan B-Sides & Badlands e ka përshkruar “Good Morning” si një shpërthim fuqie dhe vetëbesimi. Artikulli vlerëson refrenin energjik, korin imponues dhe zërin e Donna Dafit, i cili, sipas medias, e fuqizon dëgjuesin dhe përcjell një emocion që ndihet deri në trup.Revista muzikore gjermane INDIENOXZINE e ka përfshirë këngën në rubrikën “Three Track Week”, duke veçuar ritmin që të vë menjëherë në lëvizje, vokalin e ngrohtë dhe të sigurt, si dhe produksionin modern. Media thekson se mesazhi i këngës për njohjen e vlerës personale bëhet edhe më domethënës kur lidhet me identitetin shumëkulturor të artistes.Për suksesin e projektit ka shkruar edh