Demokratët pritet të fitojnë 258 vende në Dhomën e Përfaqësuesve, rezultati më i mirë në mbi tri dekada

Nata e zgjedhjeve po vazhdon të sjellë rezultate gjithnjë e më të favorshme për demokratët dhe humbje të mëdha për presidentin amerikan, Donald Trump, dhe Partinë Republikane.Sipas projeksioneve të NBC News, demokratët pritet të fitojnë 258 vende në Dhomën e Përfaqësuesve të Kongresit amerikan, transmeton Telegrafi.Nëse ky parashikim konfirmohet, republikanët do të humbasin 43 vende dhe do të mbeten me 177 përfaqësues. Në zgjedhjet afatmesme të vitit 2018, gjatë mandatit të parë të Trumpit, republikanët humbën 42 vende në këtë dhomë.Demokratët nuk kanë arritur një numër kaq të madh vendesh që nga viti 1993, kur Bill Clinton mori detyrën e presidentit të SHBA-së.Për të siguruar kontrollin e Dhomës së Përfaqësuesve, demokratëve u nevojiteshin vetëm 218 vende. Fitorja e tyre pritej, por jo me një diferencë kaq të madhe.Përmasat e humbjes republikane pritet të ndikojnë ndjeshëm në planet politike të Trumpit për dy vitet e fundit të mandatit të tij, duke ia vështirësuar miratimin e nismave legjislative në Kongres. /Telegrafi/