Chris Rock për martesën e tij të dështuar: Nuk isha një burrë i mirë, shikoja shumë pornografi

Aktori dhe komediani amerikan, Chris Rock, ka folur hapur për martesën e tij të dështuar me Malaak Compton-Rock, duke pranuar se nuk ishte një bashkëshort i mirë dhe se disa nga veprimet e tij ndikuan në prishjen e marrëdhënies.Në një intervistë të publikuar më 3 nëntor për revistën “GQ”, 61-vjeçari tregoi se gjatë martesës kishte kaluar shumë kohë duke parë përmbajtje pornografike, ndërsa zbuloi se tashmë ka pesë apo gjashtë vjet që nuk e praktikon më këtë zakon“Nuk isha një bashkëshort i mirë. Shikoja shumë pornografi. Nuk shikoj më. Kanë kaluar pesë apo gjashtë vjet”, pranoi aktori. Chris RockMegjithatë, theksoi se kjo nuk ishte arsyeja e vetme që çoi në përfundimin e martesës. Rock kishte pranuar edhe më herët se gjatë lidhjes kishte qenë i pabesë ndaj bashkëshortes, duke thënë se nuk është krenar për veprimet e tij.Duke reflektuar mbi sjelljen e kaluar, komediani e krahasoi përvojën me personazhet e filmave të Marvelit, të cilët pasi fitojnë fuqi të veçanta, përpiqen të kuptojnë kufijtë e tyre. Ai tha se edhe vetë kishte provuar kufijtë e tij, derisa kishte kuptuar se nuk mund të vepronte sikur të ishte i gjithëfuqishëm.Chris Rock dhe Malaak Compton-Rock ishin të martuar për 18 vjet, ndërsa vendimin për t'u ndarë e morën në vitin 2014.Shkurorëzimi i tyre u finalizua zyrtarisht në vitin 2016. Nga kjo martesë kanë dy vajza, Zahra Savannah dhe Lola Simon. /Telegrafi/