Arrestohet në Athinë 48-vjeçari shqiptar, dyshohet për vrasjen e një personi gjatë grabitjes

Policia greke ka zbardhur një vrasje të ndodhur më 24 korrik të këtij viti në lagjen Galaci të Athinës, ndërsa si i dyshuar për kryerjen e krimit është arrestuar një shtetas shqiptar 48-vjeçar, me inicialet I.K.Sipas autoriteteve greke, i dyshuari kishte njohje me viktimën dhe e vizitonte herë pas here në banesën e tij, ku kryente punë dhe shërbime të ndryshme, në këmbim të shumave të vogla të parave.Dyshimet e hetuesve janë se motivi i vrasjes lidhet me një grabitje. Sipas informacioneve, viktima kishte gjendje të mirë ekonomike, ndërsa pas ngjarjes në banesën e tij mungonin para dhe sende me vlerë, transmeton Telegrafi.Hetimet kanë çuar te 48-vjeçari shqiptar, pasi në vendin e ngjarjes janë gjetur shenjat e gishtave dhe gjurmë të materialit të tij biologjik. Përballë këtyre provave, i dyshuari u ka deklaruar policëve se nuk mbante mend çfarë kishte ndodhur, pasi në momentin e ngjarjes kishte qenë nën efektin e lëndëve narkotike.Ndërkohë, sipas Top Channel, I.K. ka pasur mbi 20 ndalime nga policia greke që nga viti 2019. Ai dyshohet se është përfshirë në dhjetëra vjedhje dhe vepra të tjera penale, të lidhura me sigurimin e parave për blerjen e narkotikëve.Pas arrestimit, 48-vjeçari është paraqitur para gjykatës, e cila ka vendosur masën e paraburgimit pa afat deri në shqyrtimin gjyqësor të çështjes./Telegrafi/