Roy Keane identifikon problemin kryesor të Man Utd: Ky lojtar po i kushton pikë skuadrës

Roy Keane ka kritikuar portierin Senne Lammens, duke pretenduar se ai po ndikon në vështirësitë e vazhdueshme të Manchester Unitedit, pas rënies së dukshme të formës së tij.Duke folur në emisionin The Overlap, legjenda e klubit anglez u shpreh se portieri belg po i kushton pikë skuadrës së tij.“Portieri po u kushton pikë, apo jo? Ai ishte shumë i mirë vitin e kaluar”, deklaroi Keane.Lammens pati një sezon debutues premtues pas transferimit nga Royal Antwerp në vitin 2025, për shumën prej 21 milionë eurosh. Ai arriti ta zëvendësonte shpejt Andre Onanën si portierin e parë të Manchester Unitedit.Megjithatë, paraqitjet e tij të fundit kanë ngritur pikëpyetje, sidomos pasi “Djajtë e Kuq” kanë pësuar 13 gola në tetë ndeshjet e para të Ligës Premier. Edhe Paul Scholes ka shprehur dyshime nëse Lammens ka cilësitë e nevojshme për t’u shndërruar në një portier elitar, duke thënë se ende nuk është dhënë një përgjigje përfundimtare për potencialin e belgut.Ndërkohë, 24-vjeçari ka reaguar ndaj presionit, duke insistuar se duhet të mbetet “i fortë mendërisht” përballë kërkesave të larta që sjell të luajturit për Manchester Unitedin.Skuadra e Michael Carrickut tani e ka në fokus ndeshjen e radhës, ku të shtunën do të përballet me Chelsean në “Stamford Bridge”./Telegrafi/