Pentagoni heton dyshimet për sulm kibernetik ndaj frigoriferëve në bazat amerikane

Pentagoni po heton dyshimet për një ndërhyrje të mundshme kibernetike në sistemet e ftohjes së ushqimeve në bazat ushtarake amerikane, pasi defektet në pajisjet frigoriferike shkaktuan prishjen e produkteve ushqimore në disa dyqane.Sipas agjencisë Reuters, në gusht u raportuan probleme me pajisjet frigoriferike në të paktën gjashtë dyqane që ndodhen në bazat ushtarake amerikane. Në njërin prej rasteve, temperatura brenda frigoriferëve u rrit gjatë natës, duke bërë që ushqimet të prisheshin.Ende nuk është konfirmuar nëse bëhet fjalë për një sulm kibernetik të qëllimshëm apo për defekte teknike. Megjithatë, rasti ka ngritur shqetësime për sigurinë e sistemeve që përdoren për ruajtjen e ushqimeve në objektet ushtarake, raportojnë mediat. Sulmi kibernetik ndaj frigoriferëve në Francë ngre alarmin, a rrezikohen edhe supermarketet në Zvicër? Pentagoni ka konfirmuar se Komanda Kibernetike e SHBA-së po bashkëpunon me agjenci të tjera qeveritare dhe organet e zbatimit të ligjit për hetimin e incidentit.Hetuesit kanë kontaktuar gjithashtu homologët francezë për të shkëmbyer informacione rreth një rasti të ngjashëm në Francë. Në fillim të tetorit, probleme të tilla prekën më shumë se 350 supermarkete në këtë shtet.Deri më tani, nuk është bërë e ditur nëse incidentet në SHBA dhe Francë kanë lidhje mes tyre. Gjithashtu, nuk ka konfirmim zyrtar se dikush ka tentuar të helmojë ushtarët amerikanë përmes ushqimeve të prishura.Hetimet pritet të sqarojnë nëse problemet janë shkaktuar nga ndërhyrje të qëllimshme në sistemet e kontrollit të temperaturës apo nga shkaqe të tjera teknike. /Telegrafi/