Aktivistja Mjeku: Ministrat të japin dorëheqje brenda 24 orëve, ndryshe Prishtina do të mbushet me protestues

Aktivistja Anita Mjeku ka kërkuar dorëheqjen e ministrave pas vrasjes së Arlinda Zekajt, duke paralajmëruar protesta në rrugët dhe sheshet e Prishtinës nëse kërkesa nuk përmbushet.Mjeku tha se institucionet kanë 24 orë kohë për të shkarkuar ministrat përgjegjës dhe për ta trajtuar femicidin si urgjencë kombëtare.“Shteti ka ultimatum, i ka 24 orë nga sonte që me i shkarku ministrat dhe me trajtu femicidin si urgjencë kombëtare. Jemi duke u folë për jetët e grave që po trajtohen si numra dhe statistika edhe sa po vriten”, deklaroi ajo në T7.Aktivistja paralajmëroi se protestat do të vazhdojnë nëse nuk ka dorëheqje.“Nëse këta (ministrat) nuk japin dorëheqje, rrugët dhe sheshet e Prishtinës kanë me qenë të mbushura derisa të dorëhiqen”, u shpreh Mjeku, duke përsëritur se qytetarët do të dalin në rrugë nëse kërkesat e tyre nuk plotësohen.