Xheneta reagon pas postimit të Brikenës: WTF, moj motër? Njeriu nuk është pronë as e prindit të vetë e le më e të dashurit

Ish-banorja e “Big Brother VIP Kosova”, Xheneta Fetahu, ka reaguar ndaj një postimi të Brikena Selmanit, ish-banore e “Big Brother VIP Albania”, e cila së fundmi publikoi në Instagram një fotografi me një bluzë në të cilën shkruhej: “Jam prona private e Mateo Borrit”.Ndonëse nuk e përmendi drejtpërdrejt emrin e Brikenës, nga konteksti i reagimit të saj kuptohet se Xheneta i është referuar pikërisht këtij postimi.Në reagimin e saj, Xheneta theksoi se asnjë person nuk mund të konsiderohet pronë e dikujt tjetër, pavarësisht lidhjes që mund të ketë me të. “Kosova hala e tronditun prej rastit të Arlindës, e dikush sot na del me “jam pronë e të dashurit” WTF, moj motër?! Njëri s’osht pronë as e prindit t’vet, e le mo e dashurit! Dashnia s’osht pronësi, e lidhja s’ta jep të drejtën me pretendu që dikush t’përket ty”.“Pikërisht këto mentalitete duhet me i thy, jo me i romantizu. Se sot të thua për story, nesër dikush e merr si të drejtë me kontrollu jetën e tjetrit. Na duhet me kuptu që partner jemi, jo pronarë të njani-tjetrit”, ka shkruar Xheneta në postimin e saj. Kujtojmë se Brikena Selmani kishte publikuar fotografinë me bluzën ku shkruhej “Jam prona private e Mateo Borrit”, duke i bashkëngjitur edhe përshkrimin: “Kur do ta kuptoni?”.