Kongresistët republikanë i kërkojnë Rubios masa ndaj zyrtarëve shqiptarë për korrupsionin, shqetësime për demokracinë në Shqipëri

Dy kongresistë republikanë amerikanë i kanë dërguar një letër sekretarit amerikan të Shtetit, Marco Rubio, duke shprehur shqetësim për gjendjen e demokracisë dhe sundimin e ligjit në Shqipëri. Ata kërkojnë që Departamenti i Shtetit të shqyrtojë vendosjen e kufizimeve të vizave ndaj zyrtarëve shqiptarë të dyshuar për korrupsion të konsiderueshëm.Përfaqësuesit republikanë Joe Wilson nga Karolina e Jugut dhe Keith Self nga Teksasi i kërkojnë administratës amerikane të përdorë autoritetin e parashikuar në Seksionin 7031(c) të ligjit për ndarjet buxhetore të Departamentit të Shtetit, për të shpallur publikisht zyrtarët shqiptarë dhe, kur është e zbatueshme, anëtarët e familjeve të tyre të ngushta, për të cilët ekzistojnë informacione të besueshme mbi përfshirjen në korrupsion të konsiderueshëm, raporton FoxNews.Në letrën drejtuar Rubios, kongresistët theksojnë se Shtetet e Bashkuara kanë investuar ndjeshëm në reformat e drejtësisë në Shqipëri, por paralajmërojnë se përparimi i arritur mbetet i brishtë dhe rrezikon të zhbëhet në disa fusha kyçe. Ata i kanë kërkuar administratës amerikane që deri më 5 nëntor t'u përgjigjet katër pyetjeve, përfshirë angazhimin për shqyrtimin e zyrtarëve shqiptarë për kufizime vizash, mbështetjen për reformën në drejtësi dhe punën e Ambasadës së SHBA-së në Tiranë për mbrojtjen e protestuesve dhe gazetarëve. Rasti i Belinda Ballukut në fokusNjë nga çështjet për të cilat kongresistët kërkojnë informacion është edhe rasti i ish-zëvendëskryeministres Belinda Balluku, e cila është akuzuar për ndërhyrje në procedurat e prokurimit publik për ndërtimin e rrugëve.Sipas raportimeve, prokurorët kërkuan në dhjetor të vitit 2025 që parlamenti t'i hiqte imunitetin, në mënyrë që ajo të mund të arrestohej. Kryeministri Edi Rama e cilësoi kërkesën jokushtetuese, ndërsa parlamenti nuk ka lejuar vazhdimin e procedurës së kërkuar për arrestimin e saj.Kongresistët argumentojnë se institucionet kundër korrupsionit nuk mund të japin rezultate nëse drejtuesit polit