Rama ironizon Berishën për masat e reja fiskale: Nesër miratojmë buxhetin historik mbi 10 miliardë euro

Kryeministri i Shqipërisë, Edi Rama, ka reaguar ndaj akuzave të kreut të Partisë Demokratike, Sali Berisha, lidhur me masat e reja fiskale, duke paralajmëruar miratimin e buxhetit të ri, i cili, sipas tij, për herë të parë do të tejkalojë vlerën prej 10 miliardë eurosh.Përmes një postimi në rrjetet sociale, Rama ka ironizuar qëndrimet e opozitës, duke i cilësuar kritikat e saj si të mbështetura në “urrejtje dhe injorancë”.Ai ka bërë të ditur se qeveria do të miratojë nesër projektbuxhetin, së bashku me atë që e ka cilësuar si paketën më ambicioze për rishpërndarjen e rritjes ekonomike.“Flisni, flisni për masat e reja fiskale, ngroh sallatën tënde të urrejtjes dhe injorancës me dokumente pune gjysmë të pjekura, sepse nesër është radha e qeverisë të thotë fjalën e saj me miratimin e buxhetit të parë në histori që kalon pragun e 10 miliardë eurove dhe paketën më ambicioze për rishpërndarjen e rritjes ekonomike”, ka deklaruar Rama.Reagimi i kryeministrit vjen pas kritikave të Berishës ndaj masave të reja fiskale, ndërsa qeveria shqiptare pritet të prezantojë dhe miratojë projektbuxhetin, i cili, sipas Ramës, do të shënojë një rekord historik për financat publike të vendit.