Nga Moska në Beograd: Lufta e narrativave dhe rreziku i manipulimit të informacionit në Kosovë

Në Ballkanin Perëndimor, veçanërisht në marrëdhëniet ndërmjet Kosovës dhe Serbisë, inteligjenca artificiale (AI) po shton sfidat e manipulimit të informacionit, propagandës dhe ndikimit në opinionin publik.Një dimension të veçantë përbëjnë narrativat politike dhe mediatike që burojnë nga Serbia, sidomos ato që lidhen me Kosovën, marrëdhëniet ndëretnike dhe sigurinë.Në planin ndërkombëtar, Rusia, Kina dhe aktorë të tjerë shtetërorë e joshtetërorë janë përballur me akuza të mbështetura në prova për zhvillimin e operacioneve të ndikimit. Inteligjenca artificiale po e transformon rrënjësisht mënyrën se si prodhohet dhe shpërndahet informacioni, duke krijuar mundësi për zhvillim teknologjik, por edhe për manipulim, propagandë dhe ndërhyrje në proceset demokratike.Lufta hibride kombinon instrumente ushtarake dhe joushtarake, përfshirë sulmet kibernetike, sabotimin, presionin ekonomik dhe manipulimin e informacionit. Brenda kësaj strategjie, dezinformimi synon të ndikojë në mënyrën se si qytetarët i kuptojnë ngjarjet dhe marrin vendime.Në vend që të ndryshojnë ngjarjet, operacionet informative përpiqen të ndryshojnë interpretimin e tyre. Qëllimi nuk është domosdoshmërisht bindja e publikut për një gënjeshtër, por mbjellja e dyshimit ndaj çdo informacioni. Kur videot cilësohen të fabrikuara dhe raportimet gazetareske etiketohen si propagandë, edhe faktet e dokumentuara e kanë më të vështirë të fitojnë besimin e publikut.Ky kërcënim shkon përtej lajmeve të rreme, sepse cenon aftësinë e shoqërisë për të zhvilluar debat mbi fakte të verifikueshme. Manipulimi nuk synon vetëm ndryshimin e bindjeve politike, por edhe dobësimin gradual të besimit te institucionet, mediat dhe burimet e informacionit.Raportet e institucioneve evropiane dhe kompanive teknologjike tregojnë se operacionet e manipulimit të informacionit janë bërë gjithnjë e më të sofistikuara, më të organizuara dhe më të vështira për t'u identifikuar. Në raportin e katërt mbi Manipulimin dhe Ndërhyrjen e Huaj në Informa