Sophie Turner shfaqet në ceremoninë e “Topit të Artë”, me flokët e errët duket e panjohur

Aktorja britanike, Sophie Turner, 30 vjeçe, u shfaq të hënën mbrëma në ceremoninë e ndarjes së çmimeve “Topi i Artë”, në Londër, ku tërhoqi vëmendjen me një ndryshim të dukshëm në pamje. Ylli i serialit “Game of Thrones” u shfaq me flokë kafe të errët, duke u dukur pothuajse e panjohur për shumë nga ata që e njohin me flokët e saj si bionde.Turner ishte një nga emrat e njohur që morën pjesë në edicionin e 70-të të ceremonisë, e cila për herë të parë u mbajt në teatrin Palladium të Londrës. SophieAktorja, e cila rrallë shfaqet në tapetin e kuq, mori pjesë si ambasadore e shtëpisë së modës Louis Vuitton.Për këtë paraqitje, zgjodhi një kombinim elegant, të përbërë nga një xhaketë e zezë në stilin e smokingut, me dy rreshta kopsash, supe të theksuara dhe jakë të gjerë me majë. Sophie Veshjen e kompletoi me pantallona të zeza të ngushta deri te kyçet dhe këpucë lëkure të zeza me majë.Pamjen, e kuruar nga stilistja Emma Jade Morrison, Turner e plotësoi me një gjerdan të artë nga koleksioni Le Damier i Louis Vuitton dhe disa unaza, duke ruajtur një stil minimalist dhe elegant. SophieMegjithatë, vëmendjen më të madhe e morën flokët e saj të gjatë, ngjyrë kafe të errët dhe lehtësisht të valëzuar. Turner është natyralisht bionde, por transformimi i saj lidhet me rolin e Lara Croft në serialin e ardhshëm “Tomb Raider”. /Telegrafi/ Sophie