Vrasja e Arlinda Zekajt, Tahiri: Besoj se shumë prej nesh nuk e kanë kaluar një natë të qetë

Shefi i Grupit Parlamentar të Aleancës, Besnik Tahiri tha sot se është zgjuar me dhimbje të madhe përballë një fenomeni që përbën plagën më të rëndë të shoqërisë sonë.Tahiri në një postim në Facebook ka reaguar sërish pas vrasjes së Arlinda Zekajt, duke thënë se kjo ka të bëjë me dështim të shtetit të Kosovës. Shpallet në kërkim Albert Sylaj, i dyshuar për vrasjen e Arlinda Zekajt Lexoni të plotë postimin: Besoj se shumë prej nesh nuk e kanë kaluar një natë të qetë. Edhe unë, mëngjesin e sotëm, jam zgjuar me dhimbje të madhe përballë një fenomeni që përbën plagën më të rëndë të shoqërisë sonë.E thashë dje dhe vazhdoj të insistoj, vrasja e Arlinda Zekajt, ka të bëjë me dështim të shtetit të Kosovës dhe të hierarkisë së tij institucionale. Prokuroria, Policia, Qendrat për Punë Sociale dhe të gjithë mekanizmat përgjegjës duhet të mbajnë përgjegjësi dhe te ju kërkohet llogari kur mosveprimi i tyre na çon drejt tragjedive të tilla. Betejën kundër dhunës në familje nuk duhet ta ndalim. Duhet të flasim, të kërkojmë përgjegjësi dhe të ecim përpara me vendosmëri. /Telegrafi/