Arsenali nuk heq dorë nga Alvarez, londinezët vazhdojnë të ndjekin situatën e argjentinasit

E ardhmja e Julian Alvarez te Atletico Madridi vazhdon të jetë e pasigurt, ndërsa Arsenali mbetet një nga klubet që po monitorojnë situatën e sulmuesit argjentinas.Sipas raportimeve të mëparshme të mediumit CaughtOffside, gjiganti londinez ka shfaqur interesim për 26-vjeçarin, i cili prej kohësh është përfolur për një largim të mundshëm nga kryeqyteti spanjoll.Alvarez kishte shkaktuar reagime të shumta gjatë Kupës së Botës 2026, kur deklaroi publikisht dëshirën për t'u larguar nga Atletico Madridi dhe për të realizuar ëndrrën e tij për të luajtur te Barcelona.Megjithatë, sulmuesi argjentinas së fundmi u kërkoi falje tifozëve të Atleticos për deklaratat e tij, duke pranuar se kishte gabuar si në mënyrën e shprehjes, ashtu edhe në momentin kur i kishte bërë ato. “Ishte një gabim, si në mënyrën se si i thashë ato fjalë, ashtu edhe në kohën kur i thashë”, deklaroi Alvarez pas shënimit të golit të fitores kundër Deportivo La Corunas.Pavarësisht spekulimeve, një transferim gjatë afatit kalimtar të janarit duket mjaft i vështirë, pasi Atletico Madridi raportohet se kërkon rreth 150 milionë euro për ta lejuar largimin e sulmuesit.Kjo shumë përbën një pengesë të konsiderueshme për Arsenalin, që do të duhej të bënte një investim të jashtëzakonshëm financiar për të siguruar shërbimet e reprezentuesit argjentinas.Situata komplikohet edhe më shumë nga raportimet se Alvarez preferon të vazhdojë karrierën në futbollin spanjoll në rast se vendos të largohet nga Atletico Madridi.Për momentin, Arsenali mbetet në mesin e klubeve që po ndjekin zhvillimet rreth sulmuesit, ndërsa mbetet të shihet nëse interesimi i londinezëve do të konkretizohet me ndonjë ofertë zyrtare gjatë muajve të ardhshëm. /Telegrafi/