Pak orë para ceremonisë, Diaz zbulon se kë dëshiron ta shohë fitues të 'Topit të Artë'

Sulmuesi i Bayern Munichut, Luis Diaz, ka zbuluar favoritin e tij për fitimin e Topit të Artë 2026, pak para fillimit të ceremonisë që do të mbahet sonte (e hënë) në Londër.Ylli kolumbian nuk ka pasur asnjë dyshim në përgjigjen e tij, duke mbështetur bashkëlojtarin te Bayern Munichu, Harry Kane, për çmimin më prestigjioz individual në futboll.Gjatë mbërritjes së delegacionit bavarez në Londër, gazetarët e pyetën Diazin se kë e konsideronte favorit për ta fituar ‘Topin e Artë’. “Favoriti? Harry, gjithmonë Harry”, u përgjigj shkurtimisht kolumbiani, duke shprehur mbështetjen e tij për sulmuesin anglez.Kane dhe Diaz kanë udhëtuar drejt kryeqytetit anglez së bashku me disa yje të tjerë të Bayernit, përfshirë Michael Olisen, Dayot Upamecanon, Lennart Karlin dhe Klara Buhlin.Optimizmi për triumfin e Kane është i madh edhe brenda drejtuesve të klubit gjerman. Presidenti Herbert Hainer dhe drejtori ekzekutiv Jan-Christian Dreesen kanë udhëtuar gjithashtu drejt Londrës, me shpresën se sulmuesi anglez do të shpallet futbollisti më i mirë në botë. Në rast se Kane arrin ta fitojë Topin e Artë, ai do të bëhej futbollisti i parë i Bayern Munichut që e fiton këtë çmim që nga Karl-Heinz Rummenigge në vitin 1981.Mbetet të shihet nëse mbështetja e madhe nga bashkëlojtarët dhe drejtuesit e klubit do të kurorëzohet me triumfin e Kane në ceremoninë e mbrëmjes së sotme. /Telegrafi/