Njeriu i tij rrëfen momentin kur Vuçiq mori vesh se kishte humbur zgjedhjet në Serbi

Presidenti i Partisë Progresive Serbe (SNS), Milosh Vuçeviq, ka komentuar humbjen zgjedhore të partisë së tij dhe Aleksandar Vuçiq. Duke u shfaqur në mediat serbe, ai tha se ishte i pakënaqur me rezultatet e zgjedhjeve parlamentare, por edhe krenar për mënyrën se si Vuçiq e pranoi humbjen, shkruan Index.hr, përcjell Telegrafi. Ai njoftoi ndryshime në SNS dhe tha se partia do të ishte një opozitë e fortë ndaj qeverisë së re.Vuçeviç zbuloi se si ishte momenti kur Vuçiq zbuloi se lista e tij kishte humbur zgjedhjet."Unë dhe Ana (Brnabiq) erdhëm dhe ai tha: I humbëm zgjedhjet. U habitëm sepse kishim qenë në krye deri atëherë, por kjo nuk ishte një mostër mjaft e madhe. Ai tashmë i kishte rezultatet. Tha se ishte e rëndësishme t'i drejtohej publikut sa më shpejt të ishte e mundur", kujton Vuçeviq.Ai shpjegoi se partia kishte logjistikën e vet zgjedhore dhe të dhënat nga qendrat e votimit, dhe se rezultatet e mostrës përfaqësuese treguan se nuk kishte më asnjë shans për fitore. Vuçiq njoftoi se SNS nuk do të zhdukej nga skena politike pavarësisht humbjes së pushtetit pas 14 vitesh."Nuk do të shpërbëhemi ose shpërndahemi. Do të rifreskojmë radhët tona. Këto do të jenë ndryshime të dhimbshme, por shëruese", tha ai.Sipas tij, SNS do të konsolidohej dhe do të përgatitej të vepronte në opozitë, duke shtuar se partia e tij nuk do të kundërshtonte rezultatet e zgjedhjeve dhe as nuk do të pengonte transferimin e pushtetit. /Telegrafi/