Si ta pastroni siç duhet tasin e tualetit dhe të hiqni unazat e vështira

Unazat që krijohen brenda tasit të tualetit nuk shkaktohen gjithmonë nga papastërtitë. Shpesh ato vijnë nga mineralet e ujit të fortë, por mund të shkaktohen edhe nga bakteret, myku ose ndryshku. Sipas ekspertëve të pastrimit dhe hidraulikës të cituar nga Real Simple, mënyra e duhur e pastrimit varet nga shkaku.Depozitat minerale zakonisht kanë ngjyrë të bardhë, gri ose kafe dhe krijojnë një shtresë të fortë në nivelin e ujit. Për t’i larguar, mund të përdoret uthull e bardhë ose një produkt me acid citrik, duke e lënë të veprojë për pak kohë. Për gurëzat kokëfortë mund të ndihmojë edhe një gur shtuf i përshtatshëm për tualete, por duhet përdorur me kujdes për të mos gërvishtur sipërfaqen.Njollat rozë ose portokalli mund të lidhen me baktere që shumohen në mjedise të lagështa, ndërsa myku shpesh shfaqet me ngjyrë gri ose të zezë. Në këto raste mund të nevojitet një dezinfektues i përshtatshëm, duke ndjekur udhëzimet e produktit. Ndryshku, nga ana tjetër, lë njolla portokalli ose kafe dhe mund të lidhet me hekurin në ujë ose me tubacionet e vjetra.Për të parandaluar rikthimin e unazave, ekspertët këshillojnë pastrim të rregullt të të gjithë tasit, përfshirë pjesën e brendshme të buzës ku del uji dhe vijën e nivelit të tij. Tualetet që përdoren rrallë duhen shpëlarë rregullisht.Kujdes: mos përzieni kurrë zbardhuesin me uthull ose produkte të tjera acidike, pasi mund të çlirohen gazra të rrezikshëm. /Telegrafi/