Nga hedhja e monedhave te prekja e statujave - ritualet e pazakonta që turistët ndjekin për fat në Evropë

Në shumë qytete evropiane, turistët ndjekin rituale të veçanta që, sipas besimeve popullore, sjellin fat, dashuri ose mundësinë për t’u kthyer sërish në vendet që vizitojnë. Përveç hedhjes së monedhave në shatërvanin e famshëm Trevi në Romë, ekzistojnë edhe disa tradita të tjera që tërheqin vëmendjen e vizitorëve.Në Milano, turistët rrotullohen tri herë mbi thembër, duke prekur mozaikun e një demi në Galerinë Vittorio Emanuele II, me shpresën se do t’u sjellë fat. Fontana TreviNë Verona, shumë vizitorë prekin gjoksin e djathtë të statujës së Zhulietës, një ritual që lidhet me besimin për fat në dashuri.Në Pragë, turistët prekin relievet prej bronzi në urën e Karlit, duke shpresuar për fat dhe rikthim në qytet. Ndërkohë, në Firence, statuja e derrit të bronztë, e njohur si “Porcellino”, është një nga atraksionet që tërheq vëmendjen e turistëve. Kthimi i këmbës në Milano Sipas traditës, vizitorët ia prekin feçkën statujës, duke besuar se kjo do t’u sjellë fat dhe do t’i ndihmojë të rikthehen sërish në qytet. Një tjetër zakon është vendosja e monedhave në gojën e statujës, me shpresën se do t’u sjellë fat. Statujë në VeronëEdhe në Bruksel ekziston një traditë e ngjashme, ku turistët fërkojnë dorën e statujës së Everard t'Serclaes, duke besuar se kjo do t’i ndihmojë të vizitojnë sërish qytetin. Në Budapest, ndërkaq, fërkimi i majës së pendës së statujës së kronistit të njohur si Anonimusi besohet se sjell fat dhe frymëzim, veçanërisht për shkrimtarët. Monumenti në PragëKëto tradita, disa të krijuara relativisht vonë, e kanë kthyer prekjen e statujave dhe monumenteve në një pjesë interesante të përvojës turistike evropiane. Përtej besimeve për fat, ato vazhdojnë të tërheqin mijëra vizitorë dhe, në disa raste, kanë lënë gjurmë të dukshme në monumentet historike nga prekjet e shpeshta. /Telegrafi/ Porcellino në Florence T'Serclaes është një figurë e rëndësishme për Brukselin Figura në Budapest