Ylli i Liverpoolit bëhet futbollisti më i shpejtë në Ligën Premier këtë sezon, arrin shpejtësi të jashtëzakonshme

Mbrojtësi i Liverpoolit, Ronald Araujo, ka regjistruar shpejtësinë më të lartë në Ligën Premier gjatë këtij sezoni, duke arritur plot 36.3 kilometra në orë në fitoren ndaj Brightonit.Futbollisti uruguaian ka tërhequr vëmendjen me paraqitjen e tij, duke dëshmuar jo vetëm aftësitë mbrojtëse, por edhe shpejtësinë e jashtëzakonshme që e karakterizon në fushën e lojës. Paraqitja e tij është vlerësuar lart edhe nga tifozët, pasi Araujo ka marrë 90 për qind të votave në sondazhin e organizuar nga Tribuna.com për lojtarin më të mirë të ndeshjes, duke lënë shumë prapa bashkëlojtarët e tij.Aktualisht, 27-vjeçari është pjesë e Liverpoolit në formë huazimi nga Barcelona, ndërsa klubi anglez ka të drejtën e blerjes përfundimtare të kartonit të tij për 55 milionë euro gjatë verës së vitit 2027. Megjithatë, kjo klauzolë nuk është e detyrueshme, që do të thotë se drejtuesit e Liverpoolit do të kenë mundësinë të vendosin për të ardhmen e mbrojtësit në bazë të paraqitjeve të tij gjatë sezonit.Nëse Araujo vazhdon me këtë ritëm dhe ruan nivelin e lartë të paraqitjeve, gjasat që ai të mbetet në mënyrë përfundimtare në Anfield mund të rriten ndjeshëm. /Telegrafi/