Ukraina pret rikthimin e Starlink: Kufizimet po pengojnë operacionet ushtarake

Kufizimet e vendosura javën e kaluar në sistemin Starlink, që kontrollohet nga kompania SpaceX e Elon Musk, kanë penguar përdorimin e dronëve sulmues dhe interceptuesve të mbrojtjes ajrore të Ukrainës, duke shkaktuar dështime në misione dhe humbje të konsiderueshme.Presidenti amerikan Donald Trump kishte deklaruar se qasja ishte rikthyer plotësisht, por deklaratat e fundit nga pala ukrainase sugjerojnë se situata nuk ka ndryshuar.Denys Sienik, përfaqësuesi i Ukrainës në Uashington, konfirmoi se kufizimet ndaj Starshield dhe Starlink vazhdojnë të jenë në fuqi.“Çdo ditë ka rëndësi për Ukrainën, sepse çdo jetë ukrainase ka rëndësi”, deklaroi Sienik, duke shtuar se vendi vazhdon të presë heqjen e kufizimeve, në mënyrë që mbrojtësit ukrainas të kenë kapacitetet e nevojshme për të shpëtuar jetë.Çështja vjen pas raportimeve se Trump e kishte telefonuar Elon Musk për t'i kërkuar rikthimin e qasjes së Ukrainës në sistem.Megjithatë, ende nuk është e qartë se çfarë është diskutuar gjatë kësaj bisede, madje disa analistë vënë në pikëpyetje nëse ajo ka ndodhur vërtet.Ukraina vazhdon të presë heqjen e kufizimeve, ndërsa ndikimi i tyre në operacionet ushtarake mbetet një çështje kritike për mbrojtjen e vendit. /Telegrafi/