Alaudin Hamiti jep lajmin e shumëpritur për fansat e Big Brother VIP Kosova

Pritjes po i vjen fundi. Sot zbulohet data e nisjes së edicioni të pestë të “Big Brother VIP Kosova”.Lajmi u bë i ditur nga moderatori dhe autori i formatit, Alaudin Hamiti, përmes një videoje të publikuar në Instagram. Hamiti bëri të ditur se sot do të zbulohet data e nisjes së edicionit të ri të spektaklit të shumëpritur, megjithëse detaje të reja nuk u bënë të ditura. Big Brother VIP Kosova, çdo sezon mbledh para ekranit mijëra shikues dhe ngjall diskutime të shumta në rrjetet sociale me dinamikat e banorëve. Interesi për këtë edicion ka qenë i madh që nga paralajmërimet e para, ndërsa fansat kanë pritur me padurim të mësojnë se kur do të hapen dyert e shtëpisë më të famshme në Kosovë.Edhe këtë sezon, publiku pritet të shoqërojë nga afër rrugëtimin e personazheve të njohura, të cilët do të përballen me sfida, emocione, debate dhe situata të paparashikueshme gjatë qëndrimit të tyre në shtëpi.Një nga pikëpyetjet më të mëdha mbetet lista e banorëve që do të bëhen pjesë e garës, si dhe surprizat që produksioni ka përgatitur për këtë edicion.