Sadiku: Nuk ka shumë dallim mes Ramës dhe Kurtit, të dy dinë të fitojnë zgjedhje, por jo të ndërtojnë shtet

Deputeti i Lidhjes Demokratike të Kosovës (LDK), Ermal Sadiku, ka kritikuar kryeministrin e Shqipërisë, Edi Rama, dhe kryeministrin e Kosovës, Albin Kurti, duke vlerësuar se të dy kanë ngjashmëri në mënyrën e ushtrimit të pushtetit, qasjen politike dhe ndikimin e tyre në rajon.Në një reagim, Sadiku ka thënë se Rama dhe Kurti udhëheqin parti të majta dhe kanë prirje autoritare, ndërsa ka kritikuar atë që e ka cilësuar si përqendrim të pushtetit rreth një individi dhe trajtim të institucioneve publike si zgjatime të partive politike.Sipas deputetit të LDK-së, të dy politikanët kanë arritur suksese të mëdha elektorale, me Ramën që, sipas tij, ka marrë rreth 52 për qind të votave dhe Kurtin rreth 47 për qind, por këto rezultate nuk përbëjnë domosdoshmërisht dëshmi të suksesit në qeverisje.Sadiku ka kritikuar gjithashtu ndikimin e tyre në politikën e shqiptarëve jashtë kufijve të shteteve që udhëheqin, veçanërisht në Maqedoninë e Veriut, ku ka vlerësuar se ndërhyrjet e tyre politike, në vend të bashkimit, shpesh kanë kontribuar në përçarje.Ai ka përmendur edhe angazhimet rajonale të dy kryeministrave, duke theksuar se Kurti përfshihet në zhvillimet politike në Shqipëri, ndërsa Rama zhvillon takime me presidentin e Serbisë, Aleksandar Vuçiq. Sadiku ka përmendur edhe raportet e Kurtit me kryeministrin e Maqedonisë së Veriut, Hristijan Mickoski, si pjesë të asaj që e ka cilësuar si garë për protagonizëm rajonal.Një tjetër kritikë e deputetit të LDK-së lidhet me mënyrën se si, sipas tij, Rama dhe Kurti e trajtojnë çështjen e shqiptarëve në Luginën e Preshevës, duke i përdorur ata për fotografi, deklarata dhe propagandë politike.Sadiku ka vënë në pikëpyetje edhe kontrastin mes deklaratave të dy liderëve për teknologjinë, inteligjencën artificiale, dronët, sigurinë kombëtare dhe gjeopolitikën, si dhe gjendjes së shërbimeve publike në Kosovë dhe Shqipëri.Ai ka theksuar se qytetarët në të dy vendet vazhdojnë të përballen me probleme të përditshme, përfshirë furnizimin me ujë të