Zulfaj: Po të bazohej zgjerimi i BE-së në merita, Kosova do të ishte ndër të parat

Iz objave izvora

Kryenegociatori i Republikës së Kosovës me Bashkimin Evropian, Jeton Zulfaj, ka deklaruar se Kosova ka bërë progres të jashtëzakonshëm në vitet e fundit dhe se është koha që ky progres të përkthehet në hapa konkretë drejt anëtarësimit në Bashkimin Evropian, duke filluar me marrjen e statusit të vendit kandidat dhe hapjen e negociatave për anëtarësim.Zulfaj ka vlerësuar se pozicioni aktual i Kosovës në procesin e integrimit evropian nuk e reflekton progresin e arritur, duke e lidhur këtë me mungesën e unitetit brenda Bashkimit Evropian.“Kosova ka bërë progres të jashtëzakonshëm në vitet e fundit dhe pozicioni ynë aktual në procesin e integrimit në Bashkimin Evropian nuk e reflekton këtë progres. Ky pozicion është rezultat i mungesës së unitetit brenda vetë Bashkimit Evropian”, ka deklaruar Zulfaj në një video të publikuar në Facebook.Ai ka theksuar se, nëse procesi i zgjerimit do të bazohej në merita dhe rezultate, Kosova do të ishte ndër vendet që i prijnë këtij procesi.“Nëse procesi i zgjerimit do të bazohej në merita dhe në rezultatet e arritura, Kosova sot do të ishte në mesin e vendeve që i prijnë këtij procesi”, ka thënë ai, transmeton rtk.Sipas Zulfajt, Kosova meriton statusin e vendit kandidat dhe hapjen e negociatave për anëtarësim për shkak të progresit demokratik, rritjes ekonomike, linjëzimit me politikën e jashtme dhe promovimit të vlerave të BE-së.Duke folur për vizitat e zhvilluara gjatë javës, Zulfaj ka bërë të ditur se fillimisht ka marrë pjesë në takimin ministror të BE-së në Luksemburg, ku është zyrtarizuar anëtarësimi i Kosovës në Qendrën Evropiane për Qëndrueshmëri Demokratike.Më pas, ai ka vazhduar vizitën në Bruksel, ku për tri ditë ka zhvilluar takime dhe diskutime për avancimin e statusit të Kosovës drejt anëtarësimit në Bashkimin Evropian. “Në qendër të vizitës në Bruksel ishte takimi me Komisioneren Evropiane për Zgjerim, zonjën Marta Kos, me të cilën diskutuam për progresin e Kosovës në procesin e integrimit, për hapat drejt marrjes së sta