Fluturon si tullumbace, mbahet si fshesë elektrike - si funksionon vetura “fluturuese” e Teslës?

Kompania Tesla prezantoi të enjten në Teksas veturën e re sportive Roadster, të cilën Elon Musk e quajti “veturë fluturuese”.Në pamjet e publikuara, vetura shihet duke lëvizur përmbys në një rampë të lakuar, duke u rrotulluar në ajër dhe duke u ulur sërish mbi rrota. Pas këtyre demonstrimeve qëndron një parim relativisht i thjeshtë, por forca me të cilën automjeti shtyn ajrin mund të jetë e rrezikshme për njerëzit që ndodhen pranë tij, shkruan cnn.Në një demonstrim tjetër, vetura kapërceu një varg automjetesh të parkuara. Pamjet ngjasojnë me skena nga filmat fantastiko-shkencorë, por teknologjia nuk mbështetet te krahët apo helikat, por te një parim që shumica e njerëzve e njohin që nga fëmijëria.Parimi i tullumbacesKur fryhet një tullumbace dhe më pas lirohet, ajri del në njërin drejtim, ndërsa tullumbacja lëviz në drejtimin e kundërt. Vetura e Teslës funksionon sipas të njëjtit parim, por me fuqi shumë më të madhe.Në automjet janë vendosur rezervuarë të posaçëm, ku ajri ruhet nën presion shumë të lartë. Kur ky ajër lirohet papritur përmes hapjeve të vogla, të quajtura shtytës, vetura shtyhet fuqishëm në drejtimin e kundërt.Sipas raportimeve, rreth dhjetë hapje të tilla janë të vendosura në pjesë të ndryshme të automjetit. Duke e lëshuar ajrin nëpërmjet tyre, vetura mund të ngrihet, të rrotullohet në ajër ose të drejtohet përpara uljes. - YouTube www.youtube.com Gjatë këtij procesi nuk ndodh djegie, prandaj këta mekanizma quhen “shtytës të ftohtë”. Teknologjia është zhvilluar nga SpaceX, kompania e raketave e Elon Muskut, e cila përdor mekanizma të ngjashëm për të ndihmuar pjesët e raketave të kthehen në mënyrë të sigurt në Tokë.Për funksionimin e tyre nevojitet një sasi e madhe ajri, ndaj rezervuarët vendosen në çdo hapësirë të lirë të veturës. Në versionin më të fuqishëm, ata zënë edhe vendin e pasagjerit, duke e bërë automjetin njëvendësh.Si qëndron vetura përmbys?Për lëvizjen përmbys përdoret një sistem tjetër. Ventilatorët e vendosur nën veturë thithin ajrin d