Spanjolli thyen rekordin botëror në skateboard, arrin shpejtësinë prej 151.83 km/h

Sportisti spanjoll Diego Poncelet ka vendosur rekord të ri botëror në zbritjen me skateboard, duke arritur shpejtësinë prej 151.83 kilometrash në orë në një rrugë në Kanada.Poncelet e realizoi këtë arritje më 22 shtator, duke thyer rekordin e mëparshëm prej 146.73 kilometrash në orë, i cili qëndronte për nëntë vjet.Për të arritur këtë rezultat, sportisti u përgatit për katër vjet, duke punuar në pajisjet dhe teknikën e nevojshme për të përballuar shpejtësinë ekstreme. Ai përdori një skateboard të projektuar posaçërisht, me peshë 14 kilogramë, si dhe këpucë me shputa të prodhuara nga goma e përdorur në industrinë e automobilave.Një nga veçoritë e kësaj prove ishte se Poncelet nuk përdori as mbështetëset e zakonshme në dorezat e tij, të cilat zakonisht i shërbejnë për të frenuar dhe kontrolluar shpejtësinë gjatë zbritjes.Arritja e tij shënon një nivel të ri në këtë disiplinë, ku sportistët përballen me shpejtësi të mëdha dhe duhet të ruajnë kontrollin e plotë mbi skateboardin gjatë gjithë zbritjes. /Telegrafi/