Inspektorati i Punës ndalon punimet në një shtëpi private në Prizren për mungesë të masave të sigurisë

Inspektorati Qendror i Punës ka ndaluar përkohësisht punimet në një shtëpi private në Prizren, pasi gjatë inspektimit ka konstatuar parregullsi në zbatimin e masave për siguri dhe shëndet në punë.Sipas njoftimit të Inspektoratit, vendimi për ndalimin e punimeve do të jetë në fuqi deri në eliminimin e mangësive të evidentuara dhe krijimin e kushteve të sigurta për zhvillimin e punës.“Për këtë arsye, Inspektorati Qendror i Punës ka nxjerrë vendim për ndalimin e përkohshëm të punimeve në këtë shtëpi private, deri në eliminimin e të gjitha mangësive të evidentuara dhe krijimin e kushteve të sigurta për zhvillimin e punës”, thuhet në njoftim.Inspektorati ka apeluar te të gjithë punëdhënësit që të respektojnë standardet e sigurisë dhe shëndetit në punë, me qëllim të parandalimit të aksidenteve në vendin e punës.Në njoftim nuk janë bërë të ditura hollësi të tjera për natyrën e parregullsive të konstatuara apo për personat përgjegjës për punimet. /Telegrafi/