NATO-ja është shumë më e fuqishme se Rusia - thotë gjenerali amerikan

Iz objave izvora

Kapacitetet ushtarake të NATO-s janë qartazi superiore ndaj atyre të Rusisë.Kështu ka deklaruar për revistën gjermane të lajmeve "Der Spiegel" komandanti i lartë i aleancës mbrojtëse, gjenerali amerikan Alexus Grynkewich.Në një intervistë të botuar të premten, Grynkewich tha se kapacitetet ushtarake që aleanca do të angazhonte në një konflikt të madh "e tejkalojnë shumë ato të Moskës". Rusia nuk zotëron aeroplanë luftarakë modernë F-35, e as numrin e madh të shkatërruesve apo nëndetëseve moderne që ka NATO-ja, vuri në dukje ai, shkruan Yahoonews, përcjell Telegrafi.Gjenerali u shpreh i sigurt se Rusia nuk do të ndërmarrë një sulm konvencional në shkallë të gjerë ndaj Evropës. Presidenti rus Vladimir Putin po u drejtohet metodave të tjera, si sabotimi, pasi nuk ka opsione të tjera, argumentoi ai, duke shtuar se Putin nuk dëshiron një konflikt të drejtpërdrejtë.Kjo falë parandalimit konvencional, nënvizoi ai, duke theksuar se ky parandalim duhet ruajtur, krahas modernizimit të forcave të armatosura brenda NATO-s, kryerjes së stërvitjeve të gjera dhe demonstrimit të kapaciteteve.I pyetur nëse është e përshtatshme që veprimet e Rusisë të cilësohen si luftë "në hije", gjenerali me katër yje tha për "Der Spiegel" se termi "sulme hibride" është tepër i paqartë."Duhet t'i quajmë gjërat me emrin e tyre: sabotimi, zjarrvënia apo sulmet terroriste janë terma të saktë, që kërkojnë përgjigje të qarta", thekson ai.I pyetur nëse Evropa është tashmë në luftë me Rusinë, Grynkewich u përgjigj se Putin po luan një "lojë të rrezikshme"."Ai dëshiron t'i bindë njerëzit tanë se mbështetja për Ukrainën është e rrezikshme dhe se kjo mund të çojë në një luftë me Rusinë". Deri më tani, për fat të mirë, kjo strategji nuk po funksionon, mendon gjenerali amerikan. /Telegrafi/