Drejtoria e Arsimit në Fushë Kosovë nënshkruan marrëveshje bashkëpunimi me Dukagjini Academy

Drejtoria Komunale e Arsimit në Fushë Kosovë ka nënshkruar dokument bashkëpunimi me Dukagjini Academy, me synim zhvillimin e arsimit dhe avancimin e proceseve edukative në këtë komunë.Lajmin e ka bërë të ditur drejtori i Arsimit në Fushë-Kosovë, Sabri Xhigolli, përmes një postimi në Facebook.Sipas tij, bashkëpunimi synon ngritjen e cilësisë së mësimdhënies dhe përkrahjen e institucioneve arsimore, duke krijuar mundësi të reja për nxënësit dhe mësimdhënësit.Xhigolli ka theksuar se bashkëpunimi me partnerë të tillë paraqet një hap drejt krijimit të mundësive të reja në fushën e arsimit.Megjithatë, në njoftimin e publikuar nuk janë bërë të ditura detaje konkrete për aktivitetet që do të përfshijë marrëveshja, afatet e zbatimit apo përfitimet specifike për nxënësit dhe mësimdhënësit. /Telegrafi/