KRU “Mitrovica” paralajmëron intervenime në rrjetin e ujësjellësit dhe kanalizimit në disa lokacione

Kompania Rajonale e Ujësjellësit “Mitrovica” ka njoftuar për intervenime në rrjetin e ujësjellësit dhe atë të kanalizimit në disa rrugë dhe fshatra.Sipas njoftimit të kompanisë, ekipet e mirëmbajtjes do të intervenojnë në rrugët “Dora Vegman” dhe “Martirët e Kombit”, si dhe në fshatrat Frashër dhe Koshtovë, në kuadër të mirëmbajtjes së rrjetit të ujësjellësit.Ndërkaq, punime në rrjetin e kanalizimit janë paraparë në rrugët “Dëshmorët e Kombit”, “Troja” dhe “Mbretëresha Teuta”, si dhe në fshatin Koshtovë.KRU “Mitrovica” ka paralajmëruar se gjatë realizimit të punimeve në rrjetin e ujësjellësit mund të ketë ndërprerje të përkohshme të furnizimit me ujë.Po ashtu, pas rikthimit të furnizimit, uji mund të jetë përkohësisht i turbullt. Në këto raste, konsumatorëve u rekomandohet ta lënë ujin të rrjedhë për disa minuta, derisa të kthjellohet. /Telegrafi/