Albian Ajeti i shënon Crvena Zvezdës - luajnë edhe dy shqiptarë në triumfin e Luganos

Sulmuesi shqiptar Albian Ajeti ka shënuar gol në fitoren e rëndësishme të Luganos ndaj Crvena Zvezdës, me rezultat 3-2, në kuadër të xhiros së parë të Ligës së Konferencës.Para 7.898 tifozëve në stadiumin e ri, të hapur këtë verë, Ajeti kaloi Luganon në epërsi në minutën e 25-të, me një gol të bukur.Megjithatë, skuadra zvicerane e pa veten në disavantazh prej 2-1, por nuk u dorëzua dhe arriti ta përmbyste rezultatin në minutat e fundit të ndeshjes. Dereck Moncada barazoi shifrat në minutën e 84-t, ndërsa Anto Grgiq realizoi golin e fitores në minutën e 89-të, duke i siguruar Luganos tri pikë në një përballje dramatike.Ajeti u zëvendësua në minutën e 63-të, ndërsa Uran Bislimi e kompletoi ndeshjen në mesfushë. Ezgjan Alioski u aktivizua në minutën e 79-të.Lugano po kalon një periudhë të mirë, pasi vazhdon të jetë e pamposhtur edhe në Superligën e Zvicrës. /Telegrafi/ FC Lugano - FK Crvena zvezda Live Score