Mbyllet çereku i kampionatit, kjo është renditja pas javës së nëntë në Superligën e Kosovës

Është mbyllur rrethi i parë i Superligës së Kosovës, pas zhvillimit të ndeshjeve të javës së nëntë, e cila solli derbi dhe rezultate interesante.Drita ka fituar derbin si mysafire ndaj Ballkanit me rezultat 1-0, falë golit të Besnik Krasniqit, të shënuar në minutën e 90-të.Gjilani ka marrë tri pikë të rëndësishme ndaj Drenicës, duke triumfuar me rezultat 3-0. Në këtë ndeshje spikati Mavlan Zeka me dy gola, ndërsa Armend Thaqi realizoi një tjetër nga pika e bardhë. Feronikeli, pavarësisht se luajti për shumë minuta me një lojtar më pak, arriti të marrë një pikë në përballjen me Llapin, e cila përfundoi pa gola, 0-0.Dukagjini ka fituar minimalisht ndaj Vushtrrisë, me rezultat 1-0. Golin e vetëm të ndeshjes e shënoi Elton Basri.Derbi tjetër i kësaj jave, mes Malishevës dhe Prishtinës, përfundoi në barazim 1-1. Xhemajl Ibishi shënoi për Malishevën, ndërsa Assane Ditta barazoi nga pika e bardhë për Prishtinën. telegrafi.com Malisheva dhe Prishtina në krye, Llapi dhe Vushtrria në fundPas përfundimit të rrethit të parë, Malisheva dhe Prishtina kryesojnë tabelën me nga 20 pikë, në pozitat e para dhe të dyta.Vlen të theksohet se Prishtina ka një ndeshje më pak të zhvilluar, atë ndaj Dritës, e cila ishte shtyrë në fillim të kampionatit.Dukagjini renditet në vendin e tretë me 16 pikë, ndërsa Gjilani dhe Drita ndajnë pozitat e katërt dhe të pestë, me nga 14 pikë.Ballkani zë vendin e gjashtë me 13 pikë, ndërsa Drenica është e shtata me 10 pikë. Feronikeli 74 renditet në vendin e tetë me tetë pikë.Në fund të tabelës gjenden Llapi me katër pikë dhe Vushtrria me tri pikë. Java e dhjetë e Superligës së Kosovës do të zhvillohet gjatë fundjavës. /Telegrafi/