500 euro gjobë dhe 12 muaj ndalim të vozitjes për dy shoferë që zhvillonin gara të shpejtësisë në Pejë

Policia e Kosovës ka gjobitur dy shoferë me nga 500 euro dhe u ka ndaluar drejtimin e automjeteve për 12 muaj, pasi janë kapur duke zhvilluar gara të paligjshme të shpejtësisë në Pejë.Sipas njoftimit të Policisë, rasti është evidentuar më 13 tetor 2026, në rrugën “Agim Qelaj”, ku Njësia Rajonale e Komunikacionit Rrugor ka identifikuar dhe ndaluar dy automjetet e përfshira në gara.Pas ndërmarrjes së veprimeve policore, të dy drejtuesve u janë shqiptuar gjoba prej 500 eurosh dhe masa mbrojtëse e ndalimit të drejtimit të mjeteve motorike në territorin e Kosovës për një periudhë prej 12 muajsh.Gjatë procedurave të mëtejshme, Policia ka konstatuar se njëri nga shoferët kishte tejkaluar normën e lejuar të alkoolit gjatë ngasjes. Për këtë kundërvajtje shtesë, ai është gjobitur edhe me 200 euro dhe i është shqiptuar ndalim shtesë i drejtimit të automjeteve për tre muaj.Policia Rajonale në Pejë ka bërë të ditur se do të vazhdojë ndërmarrjen e masave ligjore ndaj të gjithë atyre që cenojnë sigurinë në trafik. /Telegrafi/