Callina Liang ekspozon barkun e tonifikuar me një bluzë të zbukuruar me kristale në premierën e “Street Fighter”

Aktorja kanadeze Callina Liang u shfaq me një veshje të guximshme në premierën e filmit të ri “Street Fighter”, mbajtur më 12 tetor në teatrin TCL Chinese në Hollywood, ku ajo interpreton personazhin Chun-Li.Aktorja zgjodhi një kombinim dy pjesësh në ngjyrë bezhë, me një bluzë në stil reçipetash të dekoruar me kristale dhe një fund të gjatë deri në dysheme. Pamjen e plotësonte një bisht i gjatë që zvarritej pas saj në tapetin blu, flokët e errët të mbledhur në një gërshet dhe vathët e varur. Në premierë, Liang u shoqërua nga kolegët e saj Noah Centineo dhe Andrew Koji, të cilët interpretojnë përkatësisht Ken dhe Ryu në filmin e ri.Gjatë turneut promovues, aktorja ka eksperimentuar edhe me veshje të tjera të veçanta. Në Londër u shfaq me një fustan të gjelbër smerald nga Di Petsa, me dekolte të thellë dhe detaje metalike, ndërsa në një event në Mexico City zgjodhi një fustan të shkurtër me korse transparente dhe jakë skulpturale.Liang, e njohur gjithashtu nga seriali “Foundation” dhe filmi “Presence” i regjisorit Steven Soderbergh, iu nënshtrua një përgatitjeje intensive fizike për rolin e Chun-Li. Ajo ka treguar se gjatë stërvitjes konsumonte deri në 12 vezë në ditë dhe praktikonte taekwondo, muay thai dhe wushu për dy orë çdo ditë. Filmi “Street Fighter” pritet të dalë në kinema më 16 tetor. /Telegrafi/