“Orë të vështira, por do t’i kalojmë së bashku”, Rama përmend opozitën: Sa herë Shqipëria përpiqet të shkojë lart, ka duar që përpiqen ta ulin poshtë

Kryeministri i Shqipërisë, Edi Rama në reagimin e tij pas protestës së dhunshme në Tiranë tha se sa herë Shqipëria përpiqet të shkojë lart, ka duar që përpiqen ta ulin poshtë.Rama në një paraqitje direkte nga Kolegji i Evropës, që u dogj mbrëmë tha se këto janë orë të vështira, por që do t’i kalojnë së bashku. “Studentët janë gjithnjë të mirëpritur dhe për ta ne jemi gjithnjë gati të ulemi, të flasim, të diskutojmë dhe të gjejmë zgjidhje për gjërat që kërkojnë zgjidhje. Por, këto janë tjera duar, që përpiqen ta ulin poshtë Shqipërinë sa herë që Shqipëria përpiqet të shkojë lart. Këto janë duart e një opozite e cila me maska të verbërish përpara, me zjarr dhe me hekur kërkon ta rikthejë Shqipërinë aty ku Shqipëria nuk do të rikthehet kurrë, kërkojnë ta rikthejnë Shqipërinë në humnerën nga ku ne të gjithë së bashku e nxorëm dhe ku po e ngjisim drejt majës historike drejt ëndrrës të gjithë shqiptarëve ndër breza, Bashkimi Evropian”, tha ai, raporton Telegrafi.comTutje, kryeministri i Shqipërisë theksoi se qëlloi që kjo zyrë e gjeneratës së re të evropianëve, të studentëve evropianë të jetë sot simboli i gjithçkaje që Tirana, Shqipëria dhe shqiptarët kudo që janë po shohin në këto orë të vështira. “Janë orë të vështira, por orë që do t’i kalojmë së bashku, sepse Shqipëria do të vazhdojë do të vazhdojë të ngjitet, do të vazhdojë në rrugën e saj për Evropë dhe kurrë më nuk do të bjerë në ato duar që e kanë kapur për fyti...”, tha ai.Rama tutje thekson se të gjithë përgjegjësit e dhunës do të përgjigjen para ligjit.“Dhe kushdo që mendon se ligji është larg gabon. Përgjegjësia para ligjit është e secilit dhe gjithkush që ka dorë në këtë katrahurë sigurisht se do ta paguajë. Do të paguajë sepse Shqipëria nuk do të kthehet kurrë më pas. Shqiptarët kurrë më nuk do të jenë pengje të së shkuarës. Dhe e kaluara që u rikthyer në verbërinë e saj këto orë në qendër të Tiranës, si një fantazmë që përpiqet të bëjë atë që ka bërë gjithnjë sa herë shqiptarët kanë dashur të ngrenë kokën,