Gjashtë të vdekur, përfshirë një fëmijë - pas rrëzimit të një aeroplani në Wisconsin

Gjashtë persona kanë humbur jetën në një përplasje të një aeroplani në qytezën Dellona.Kjo, sipas mediave të huaja, përcjell Telegrafi, është konfirmuar nga Sherifi i Qarkut Sauk (një qytezë në Qarkun Sauk, Wisconsin, SHBA), Chip Meister.Meister konfirmoi se në përplasje humbën jetën pesë të rritur dhe një fëmijë. Sherifi Meister tha gjithashtu se nuk pati të mbijetuar në bordin e avionit me gjashtë vende.Zyra e Sherifit të Qarkut Sauk bën të ditur se përplasja ndodhi rreth orës 21:31, pasi autoritetet morën disa njoftime për një aeroplan të rrëzuar në zonën e Park Lane. Autoritetet po punojnë gjithashtu për të zbuluar se çfarë komunikimesh ka pasur aeroplani me kullën e kontrollit të trafikut ajror aty pranë dhe nëse moti ka luajtur rol në përplasje.Zona është izoluar që prej orës 06:35 të mëngjesit, ndërsa hetuesit punojnë për të përcaktuar rrethanat e përplasjes. Administrata Federale e Aviacionit (FAA) dhe Bordi Kombëtar i Sigurisë së Transportit (NTSB) janë njoftuar dhe do të asistojnë në hetim. /Telegrafi/