LSDM: OBRM-PDUKM, VLEN dhe ZNAM nuk siguruan kuorum, seanca parlamentare u ndërpre

OBRM-PDUKM, VLEN dhe ZNAM nuk siguruan kuorum për punën e Kuvendit sot, prandaj seanca parlamentare u ndërpre, njoftojnë nga LSDM."Nga pothuajse 80 deputetë të shumicës qeverisëse, ata nuk mund të sigurojnë as kuorum. Çfarë bëjnë deputetët e qeverisë dhe për çfarë i paguajnë qytetarët?Ata refuzojnë Ligjin për Pagën Minimale prej 600 eurosh, refuzojnë Ligjin për Mbështetjen e Fermerëve, refuzojnë gjithçka që është në interes të qytetarëve.Nuk ka para për popullin, ka vetëm për tendera kriminalë.Kjo është arsyeja pse deputetët e LSDM-së dhe koalicionit nuk hynë në sallë në shenjë proteste sepse OBRM-PDUKM, VLEN dhe ZNAM hodhën poshtë sot projektligjin për mbështetje financiare për fermerët.Qeveria hodhi poshtë ndihmën specifike për fermerët, dhe më pas dështoi të sigurojë kushte për vazhdimin e seancës. Sigurimi i kuorumit është përgjegjësi e shumicës qeverisëse. Qytetarët i paguajnë deputetët për të punuar, për të miratuar ligje dhe për të zgjidhur problemet që i shqetësojnë qytetarët", thonë nga LSDM./Telegrafi