Fotot e Bebe Rexhës dhe Ledri Vulës dorë për dore bëjnë 'xhiron e rrjetit', janë të krijuara me AI

Disa fotografi të Bebe Rexhës dhe Ledri Vulës kanë qarkulluar së fundmi në rrjetet sociale, duke nxitur kureshtje dhe dyshime mes ndjekësve për një dalje të mundshme mes dy artistëve në Amerikë.Në imazhet që janë shpërndarë gjerësisht, dyshja shfaqen kinse dorë për dore, pamje që kanë bërë që shumë njerëz të pyesin nëse bëhet fjalë për një takim të vërtetë mes tyre.Fotografitë kanë gjetur hapësirë edhe në disa media shqiptare, por e vërteta është ndryshe. Foto: TikTokAto nuk janë reale, por janë krijuar me inteligjencë artificiale, duke krijuar përshtypjen e një momenti që nuk ka ndodhur në të vërtetë.Ndërkohë, prania e Ledrit në Amerikë lidhet me një arsye tjetër, përfshirë edhe artisten shqiptare me famë ndërkombëtare. Reperi nga Kosova ishte i ftuar për të performuar në dasmën e familjes Rexha, me rastin e martesës së vëllait të Bebe Rexhës.Kështu, fotografitë e rreme kanë mjaftuar për të tërhequr vëmendjen në rrjet, duke treguar edhe një herë se sa lehtë imazhet e krijuara me inteligjencë artificiale mund të ngatërrohen me momente të vërteta, veçanërisht kur bëhet fjalë për figura të njohura të skenës muzikore. /Telegrafi/ Foto: TikTok