Dyshohet se kreu vetëvrasje, çfarë thoshte ylli i Breaking Bad për Shqipërinë gjatë vizitës së tij në vitin 2024?

Bota e televizionit është tronditur nga lajmi për vdekjen e aktorit RJ Mitte, i njohur për rolin e Walter Junior në serialin e famshëm “Breaking Bad”.Sipas përfaqësuesit të tij, aktori ka ndërruar jetë më 12 tetor, ndërsa dyshohet se ka kryer vetëvrasje. Megjithatë, autoritetet kanë bërë të ditur se hetimet për rrethanat e vdekjes vazhdojnë.Përveçse ishte shumë i dashur nga fansat e serialit, RJ Mitte kishte vizituar edhe Shqipërinë në vitin 2024.Në një intervistë për gazetarin Blendi Fevziu, aktori kishte treguar se me Shqipërinë e lidh edhe miqësia me aktorin Niko Pepaj, i cili është me origjinë shqiptare. Gjatë intervistës, Mitte kishte shprehur gjithashtu dëshirën për t'u rikthyer sërish në Shqipëri për vizitë bashkë me aktorin Pepaj. RJ Mitte u bë i njohur për publikun ndërkombëtar përmes serialit “Breaking Bad”, ku interpretoi në të pesë sezonet e tij, nga viti 2008 deri në vitin 2013.I diagnostikuar me paralizë cerebrale që në fëmijëri, aktori e përdori përvojën e tij personale për t'i dhënë më shumë autenticitet personazhit që interpretonte, si dhe për të rritur ndërgjegjësimin për përfaqësimin e personave me aftësi të kufizuara në industrinë e filmit dhe televizionit. Përveç rolit në “Breaking Bad”, Mitte ishte pjesë edhe e produksioneve të tjera televizive dhe filmave, përfshirë “Switched at Birth”, “The Guardians of Justice” dhe “Triumph”.